Is bunscoil comhoideachais í Gaelscoil Laighean a bhfuil oideachas iomlán an pháiste trí mheán na Gaeilge mar phríomhaidhm aici. Tá an scoil faoi phátrúnacht Foras Pátrúnachta na Scoileanna Lán-Ghaeilge, agus feidhmíonn an scoil faoi ghnáth rialacha na Roinne Oideachais agus Scileanna.

Curaclam páiste lárnach atá i bhfeidhm a aithníonn luach agus éagsúlacht gach páiste agus a chuireann ar a chumas an fhorbairt iomlán is dual dó/di a dhéanamh mar pháiste, agus ina shaol sa tsochaí.

Tá sé mar aidhm againn timpeallacht shuaimhneach a chruthú ina ndéantar cúram d’fhorbairt intleachtúil, fhisiciúil, chultúrtha, shóisialta agus mhothúchánach an pháiste. Spreagtar páistí i ngach gné den chultúr gaelach—teanga, cluichí, ceol, damhsa agus traidisiúin. Tá rannpháirtíocht agus tacaíocht na dtuismitheoirí mar chuid thábhachtach de shaol na scoile.

Is scoil forbartha í Gaelscoil Laighean, ciallaíonn sé seo go gcuireann an scoil rang nua leis gach bliain – suas go rang a 6. Tá Naíonáin Bheaga againn suas go rang a 4. Tosaíonn an lá scoile ag 8:30am agus críochnaíonn na Naíonáin (ranganna na naíonán) ag 1:10pm ach amháin sa chéad choicís ach amháin nuair a chríochnaíonn Naíonáin Bheaga ag 11:30am agus críochnaíonn Rang 1 - Rang 4 ag 2.10pm.